Patëm kënaqësinë të mirëpresim profesorët e Fakultetit të Inxhinierisë Mekanike – drejtimi Termoenergjetikë dhe Energji e Ripërtëritshme, Prof. Dr. Bedri Dragusha dhe Prof. Dr. Drilon Meha, në ambientet e kompanisë sonë, Muqa Solar.

Gjatë kësaj vizite, diskutuam mbi mundësitë e bashkëpunimit në fusha të ndryshme, duke përfshirë zhvillimin e projekteve inovative, shkëmbimin e eksperiencave, barrierat dhe sfidat me të cilat përballemi në industrinë e energjisë diellore, përfshirë çështjet teknike dhe legjislative.

Jemi të bindur se ky takim shënon vetëm fillimin e një partneriteti të frytshëm mes akademisë dhe industrisë, duke kontribuar në zhvillimin e teknologjive të qëndrueshme dhe promovimin e energjisë së ripërtëritshme në vendin tonë.

Faleminderit profesorëve për vizitën!